مش بالكلام
ولا بالغُنـــا
ولا بنصايح
قدوة فاسده
ها أحمى الضنا
أفكار نشاز
من مفتى شاذ
سكاكينه حاميه فى ضهرنا
بيبشرونا بدين جديد
وبينشروه بقسوة ووعيد
ناس غريبه عننا
مش نبت طيبة أرضنا
بقى لوط وعاد
دعاة بتهدى ف عصرنا
غربان وبوم
وسحابة سوده من الهموم
مع جهل غٌيب عقلنا
خٌلونا ناكل بعضنا
وبقينا نكره نفسنا
مش محتاجين
لعدو غريب يحتلنا
إبليس طفش
خاف يتعِدى من فعلنا
ومين سِلم ؟
لبسنا توب الإنقياء
ورفعنا صوتنا بالدعاء
ونسينا إن الدين سلوك
رحمه على جارك وأخوك
والمولى قالها بحكمته
أهل القرى لو إتقوا
ها يعم ع الدنيا الرخاء
لو إتقوا
هايستجاب منا الدعاء
مش بالقنابل والدماء
لو تفهموا
محمد عبد المنصف
ليست هناك تعليقات: