الشاعر المصري / احمد ابراهيم
**************************
يكتب / صرخة مسيح
( تحياتى لأرواح اخواتى المسيحيين )
*******************
فوق الجزوع صرخة ألم
فيها التمن روح المسيح
ع الرصيف
اشلاء بريئه وكام جريح
صرخة مسيح
مين اتصلب مين اللى مات مين الجريح
والاجابة اللى مات
مش قلب واقف نبضته
اللى مات هو الضمير
راح السلام والليل وبادي بظلمته
سارح على كل البلاد
صوت انفجارصرخ المسيح وبدمعته
صرخة اهات قال المسيح
فين السلام
والدم جاري من شيطان والليل مخيف
صرخة بنات تاه الكلام وزهول
في عين و مدمعّين حد الزعّف
لوّن سواد لون النخيل
اصبح مالوش معنى الخضار
هدّهدّ جدار زيد انفجار اقتل وزيد
فوق الحيطان اكتب محمد او موريس
واكتب على جسدي الخلاص
حد الزعّف كان حد موت فى انتظار
ماشي بيخطف اللى واقف
واللى قاعد
واللى ماشي
واللى مات واللى سال دم البرئ فوق الحيطان
بأي زنب بيتقتل
صرخة مسيح
فوق الحيطان والدم سال ع الصور
صرخة مسيح فيها الآلم
دافع انا كل التمن
دافع جراح ابني وراح
دمي بقا فوق الرصيف
والدم دم العابدين انجيل كريم ومسيح كريم
وخلف كرسي الاعتراف
دم البرئ شابب حريق صوت انفجار
والليل مخيف وكم شيطان وسط الطرق
ملعون ياحرف فوق حيطان فيها الجبان
كاتب نهايه مؤلمة حد الزعّف حد الوداع
ترانيم واصوات الجرس مكسور بيبكي ع اللى مات
فوق الجسد مرسوم طريق والدم سايل والجثث
والحريق كان قلب مصر بيتحرق
اه كان قلب مصر بيتحرق
***************************
بقلم الشاعر المصري / احمد ابراهيم
ليست هناك تعليقات: