الحب و المال // بقلم الشاعر حسان الأمين

الحب و المال....بالشعبي

تقول
شكرآ ياصبر
بسك تعبت أوياي
روح ارتاح
راح الجنت منتظره
.......
انتظرتج والصبر مل
ومن عندي هرب
شمخت بيج نخله
والهجرج احتركـَ حتى
الكرب
وكَتلچ ما اعوفچ للموت
وما صدكَتي
بس اجاج الغني
غيرتي الدرب
كتلج شوية صبر
بلكي ربنه يعدلها
كلتيلي فقير
وما تعرف تحب
لو الحب تقدر بالمال
ما چنه نحب
ولا چنه هوينه
وبقينه ابحرب
الله يا حب الكَبلنه
الي يحب يتحمل
ويركب حتى الصعب
واخذي ألچ عبره
من ليله وبثينه
ما عافوا الي يحبوهم
واجمل شعر بيهم
لحد اليوم ينكتب
لا تلوميني
ولا تلومي الصبر
انتي الي نويتي
والله يعلم النيه
الي بالكَلب
حسان ألأمين

جنان شحروري