(( شلة الأنس )) بقلم الشاعر محمودصلاح السيد

((( شلة الأنس )))
ياشلة الأنس والفرفشه
والهزار والنعنشه
والدلع والدندشه
يالى وأخدنها بالدراع
العقل عنكم شرد وغاب
والنظر دغشش وزاغ
وكترت أموار الهلوسه
أصحاب مزاج ومحششه
قلوبكم مصديه ومتربسه
وسوده هبابه ومغبره
وعيشتكم خداع فى خداع
الحق بينكم ضاع
والشر فيكم أنتشر وشاع
والخير يدوب تعرفوا سماع
ياسهرانين الليل كل يوم صباحى
 والضحكه تدوى فى عتمة الليل
بسبب ومن غير سبب
والهبل شغال والشطآن صاحى
تلاميذ فى مدرسة
الوسوسه والفتونه والفهلوله
والشطان أستاذ
يوسوس ويوزع عليكم الأدوار
والكل طمعان فى دور المريسه
وهات ياكلام عمال على بطال
واحد عامل نفسه زعيم
والأخ يبقى شجيع وكاهين
والوقت عمال يضيع
ياناس ليه تحبوا الإنحلال
وأن جايت وسألت سؤال
أونصحت وحبيت تهدى الحال
كلامك رخم ودمك تقيل
ولاحد قابل منكم كلام
هما تخصص هندسه شعبة كلام
فى العوج مش فى السلكان
وكل يوم فى نفس المكان
حاضر معاهم الشطآن
وكل لائيم وجبان
أمتى هتفوقوا ياشلة الأنس
من الهبل والتوهان
ويظهر معدن الرجال
يالى خليتوا النهار ليل
واليل بقى نهار
ماشبعتوش
من البسبسه والنحنحه
وتحيه يالى فايق
وحاسب حساب ربك وخايف
وخراب يالى نايم
ناوى التوهان ومش عاجبك الكلام ....وعجبى!
كلمات /محمودصلاح السيدد4/5/2017