وحشانى
حبيبتى ياللى وحشانــى
يا سارقه كل وجدانـــى
يا أحلى كلمه ف لسانى
ياريتك لسه فكرانـــــى
***
بحبك نار بتكوينــى
واحبك نظرة تروينى
واحبك دمعه تشجينى
يا ماحيه كل أحزانى
***
أشوفك أنسى أيامـــى
وصورتك لسه قدامى
يا بطله كل أحلامــى
بحبك ياللى وحشانى
***
يا شاغله البال يا حرف الدال
جمالك يطفى كل جمــــــــال
وحسنك طفش العــــــــــزال
يا أحلى حرف ف لســانـــــى
***
ياأحلى حرف حرف اللام
كلامك عندى احلى كــلام
وبعدك عنى والله حـــرام
وجنبى بس وحشــــــانى
***
يا حلوة ياللى حرفك صاد
وقلبى ليكى بالمرصــــاد
وحبيتك وقلبـــــــــى راد
بس رموشك جرحـــــانى
***
بحبك ياللى حرفك كـــاف
خيالك فى منامـــى طـاف
معاكى اللقمه اكلها حــاف
وأنسى كل أحزانــــــــــى
***
يا سمرة ياللى حرفك نون
ومن حبك أنا المجنــــــون
عشان حبك أطوف الكــون
يا حرف النون يا وحشانى
***
حبيبتى ياللى وحشــانى
يا سارقه كل وجدانـــى
يا أحلى كلمه ف لسانى
ياريتك لسه فاكرانــــى
***
يااااااريت
شعر/ محمود عوض الله
اخراج رائع لمجموعتكم الغراء مما يدل على الذوق الراقى
ردحذفاشكركم على اهتمامكم بكل المجالات الفكرية والادبية
وفقكم الله ورعاكم
أزال المؤلف هذا التعليق.
ردحذف