كل عام وأنتم بخير أصدقائى بمناسبة " أعياد الربيع "
أتمنى لكم قضاء أوقات طيبة . عيد ربيع سعيد
هَلَّ "الربيع " بحسنهُ الفتان البديع
أمانة عليك وصيتك يا عيد الربيع
متخليش العُمر من . إيدينا يضيع
ده القلب شباب لِساه برىء وديع
************
لِساه أخضر زى أوراق الشجر
وليالينا هينورها ويونسها القمر
وعلى شط النيل هيحلىَ السهر
وهيحلى ويا الحبايب . السَمَر
************
النهاردة ضحك ولعب وفرح
مفيش مكان فى قلوبنا لجرح
كل الورود والأزهار. بتفتح
والفجر أصبح لسانهُ .أَفْصَحَ
************
مفيش دموع .. ولا فى أحزان
كل الطيور بتغنى ع الأغصان
والكون صار لوحة جميلة بالألوان
إنسى جراحك وألامك .. يا أنسان
************
الجو صافى.. ومفيهش غيم
محلاه عبير الورود والنسيم
يا كل قلب محروم .من نديم
متع عيونك وقلبك من ده النعيم ..
بقلم / على عمر
ليست هناك تعليقات: