لازم اعيــش
تعبت خلاص مش لاقي نفسى
تهت كتيــر بيـن ألمى ويأسى
مـن الدنيا يامـا شـفت كتيـر
شالها قلبى وازاى راح ينسى
ينسى ازاى وهو اللى عاش
حكاية ألم وعمره متهناش
امتى يروق الحال ياقلبى ؟
لرحلة عذاب جرح ما نتهاش
خـدى يا دنيـا هنـاا وتعالى
نفسى مـرة تجـاوبى سـؤالى
إمتـى الحـزن راح ينسـانـى ؟
ولو زاد جـرحى تقولى وانا مالى
مين يا اخواتى ممكن يقدر
يعيش العمر مخنوق ومكدر
وان جيت يوم وقلت تعبت
يقولوا مكتوب عليك ومقدر
من النهاردة انا لازم اعيش
للأحزان هبعد وما جييش
وان جات لحظة فيها بكيت
هبكى وهضحك ما يهمنيش
يلا يا قلبى بسرعة تعاله
عيش الفرحة عيش الحاله
ومهما كان الجرح شديد
قول للحزن رجوعى محاله
خالدالمنصوري/شاعر المعادي
15/4/2016
ليست هناك تعليقات: