قالو لي بطل لكلكة
ع الفقر والغلبان
الدولة عاملة مكفلة
وكرامة للإنسان
واللي مطلوب ليها ورق
ورشتة للعيان
بصيت لحالي صدق
غلبان أنا غلبان
قطر الوظايف سبق
وسابني هنا حيران
والدنيا زي الشبك
اللي يفوت كسبان
وحالي كما فى الورق
مليش فيها فدان
والبيت جداره فلق
وخطر على السكان
والأكل كله مرق
وسعادتي في النسيان
دا الفقر مني زهق
والصحة في التوهان
جهزت كل الورق
قدمته وانا فرحان
اللي هيجي رمق
وزقة بالمجان
دا الخير علينا دلق
ومزاجنا فى الروقان
عدت سنة ع الورق
وزهقنا من السؤلان
وأملنا شاط واتحرق
فاز بالمعاش كسبان
محظوظ وفاز بالسبق
زكى ورقته فلان
واللي سبق كال نبق
والرحمة للغلبان
أتاري الحكاية ورق
والشكوى في كل مكان
جرح المريض إتفتق
وصام عن الشكيان
ياكلها دقة وعرق
ولا حوجة للكفلان
دا الرزق لنا إتخلق
وثوابنا في الحرمان
كفل الغني شئ هفق
وخيانة للغلبان
حق الفقير إتسرق
واللي سرق إنسان
ويا ويله م اللي خلق
هملان فقيره وخان
واللى إتحرم أهو سبق
فرحان بعطا الرحمن
........وائل سعيد......
ليست هناك تعليقات: