بقايا حروف
من ديوان/ سيبنى أحلم
للشاعر / مصطفى فريد
يافايت قليى يتألم
بعيد عنك
وسايب عينى سهرانه
بتبكى وانت مش همك
وتسأل حتى نجم الليل
دا فين انت
فراقك طال وزاد همى
حيطان الدار بتسألنى
عن امبارح
عن الورد إللى كان طارح
فى ليل حبك
حرام اشكى الضنا بعدك
وتدبحنى سنين بعدك
واعيش الغربه بين أهلى
وأحس بعمرى يتسرسب
من الوحده
واشوف يومى بيتبدد
من الذكرى
تمر ببطئ جوايا
ثوانى بحسرة نتألم
وأنا عايش لاحزانى
لا أنا باحكى ولا اتكلم
ومين يقدر فى لحظة خوف
فى عمق مشاعرة يتحكم
أنا ودى
تعود من تانى أيامك
تدفينى من الغربة
توضينى فى أحلامك
بتسألنى كتييير الناس
فين انت
واتشاغل عن السائل
واتذكر نهايتنا
ولا يبقى سوى منديل
وبقايا حروف محفورة
وسواد الليل
وتوقيعك على الصورة
ليست هناك تعليقات: