الضلال البعيد:أغنية شعبية:
نعقات البومة ظنيت
بحال الناس زهري
غادي يفنى ما حييت
و يضيع فالهم عمري
و هاذي البومة و الغراب
و فكر متخلف و سراب
مخلي الأمة فالعذاب
فْسّْري يا دنيا فسري
هاذ الجهل العظيم
و لاَّ يا أمة وْلّْفتي
مع هاذ الجهل تْقصّْري
يا مذلول مضيوم
يا عايش تحت غيوم
عليك الجهل تمطر
ديما تتخيل و تْطْيّْر
و الطير فسماه يعلا
و انت فالتوهة تحير
فخيالك هم و بلا
دمك فتراب الأرض
فجذور النبات يسير
جهلك صلاة و فرض
فالدنيا دفنتي الضمير
واش غني نبضو
آ يحب نبض فقير
هذا يصير قليل
إيلا نبضو حن
و عانق نبض فقير
فأمة مصيرها تربطو
يا ناس بصوت الطِّير
و هاذي البومة و الغراب
فكر فالعقول يسكن
شمسو ديما ما تغيب
بكا الأمة يْغْرّْقْ
الكون يا ناس و يذيب
و تبقى البومة و الغراب
فعقول يملاها العيب
تحب تقرقيب الناب
منو الراس يشيب
عصير أشكال و ألوان
سبان و الحكرة عنوان
لسانا خْصُّو لجام
هذا يا أمة عيب.
....................من توقيع/المهدي العمري.
ليست هناك تعليقات: