، ،،،
ضلك بيرسم صوره ليك
من شمس عشقت طلتك
نور النهار بيغنى لخيالك غنا العشاق
فى الاختفا ...
بتتوه ملامحك او تفاصيل الكيان
لاعنين ولا
لون بشرتك
ضلك بيعزف ع التراب لحن ابتدا
الرتم ماشى برقه مع وقع الخطا
لفة شعاع الشمس بتعيد الكلام
ف بترسم الضل الجديد فى اتجاه باب القمر
.
.
.
.
كل الكلام عن صوره ليك
وخيال بيلعب ع الوتر
مشغلش بالك او نهاك عن حب فطرى بيشغلك
ازاى يكون ضلك غطا
فوق ابن عمرك،،،
يحميه من الشمس اللى ممكن تجرحه
و بتفتكر نفس المواقف كلها
يوم ضل ابوك كان برضه شمسيه لعنيك
نفس المعاد
،،
،
ضلك على ابنك
هو نفسه ضل ابوك .،،...
ضل امتداد
ليست هناك تعليقات: