ماتصدقيش
يابلدى كلمه
قالها المنافق
علشان يعيش
ماتصدقيش
وماتدوريش
على الأمان
بكره اللى جى
هتلاقيه فى صوت الأذان
وهيسمعه كل حى
وماتخبطيش
على البيبان
ومتسأليش
مين جعان
مدام فى عيش
الكل بيه عايش
وكان لازم يعيش
الحق غصبآ عنه راجع
كل مخاض وله مواجع
والكل اطرش
وهو سامع
ومسيره يوم
يجمعنا جامع
ماتصرخيش
ومهما قولنا كنا وكان
مش هترجع أيام زمان
ملايين ولادك
كتبو ميلادك
جوه الميدان
سنين مكانى
وكل المعانى
وخدانى تانى
لنفس المكان
والدنيا لسه
هى هى
حق وضحيه
لاء مش هنرجع
الظلم بيوجع
عايزنها تولع
ديمقراطيه
كلنا بندور
ع الحريه
والحريه هى الأمان
بقلمى محمد بدر
ليست هناك تعليقات: