إدن بقي
وكسر حيطان الشرنقة
دنيا العجب ولدت عجب
والحلم عشمان في التقي
وليل بيحدف علي النهار
جبال نقي
وقفوا في حلق الدار
فرفرت م اللقلقة
وما عاد بقي
ولا حبل واصل للقا
ياخدنا علي نهر الوضوء
بصيص لضوء
يرحم جتتنا من الشقي
فإرحم بقي
بلاش نتوه في نفسنا
نعض خنقة في بعضنا
أطرح لنا
أي حاجة متصدقه
أرواحنا فيها مشعلقه
يتوسموا ليك يعدوا
من خروم بيبانها الضيقة
وكفاية بقي
أمشي كما عريان
يسكن بطوني الطل
أصرخ وأنا تعبان
الصدي يعود بلا حل
والصبر فينا مل
وريح الأمل إتشل
فإدن بقي
وصدق بقي
أن السنين اللي فاتت
رمونا في بطن المحرقة
--------
إدن بقي
الشاعر محمد ضباشه
ليست هناك تعليقات: