حبسوك يا شط اسكندرية // بقلم الشاعر وهبة البويهي

حبسوك يا شط اسكندرية

حبسوك يا شط إسكندرية
وحجبوك بعيد عن عينيا
دلوقتي لا قادر أشوفك
ولا أحط أيدي ف الميه
حبسوك يا شط إسكندرية
هواك العليل فقدته
وموجك إللي كان لي غيه
ورملك إللي بنيت عليه
خيال وأحلام وردية
حبسوك يا شط إسكندرية
الهوا قالوا نبيعوه
والميه قالوا امنعوه
مسموح بس للي يدفع
ومعاه ألف وميه
حبسوك يا شط إسكندرية
منعوه منعوه منعوه
وصار غالي عليا
الشمس عليكي راحت
والقمر ما باينش ليا
وزوارك راحت ما شافت
شطك يا اسكندريه
حبسوك حبسوك حبسوك
يا شط إسكندرية