تحيا مصر .. تحيا فينا
بقلوب ولادها الطيبين
بالمزارع .. بالمصانع
بالإيدين تحضن إيدين
بالمحبة .. بالتسامح
بالصلاة علي كل دين
تحيا مصر .. تحيا فينا
تبقي روحنا ونور عينينا
بالشباب اللي يسافر
جوه عرقه في أرضيها
في الفكر اللي يعافر
ويحمي خيرها وعرضها
باللي راح منها ونافر
وقلبه كان مفتوح لها
تحيا مصر .. تحيا فينا
تبقي روحنا ونور عينينا
بالضمير الصاحي فينا
بالأمل اللي في عينينا
شمس بكرة هتنادينا
وبالعزيمة وبالتحدي
نلقي خيرها جاي لينا
بس قوموا ويالا بينا
تحيا مصر .. شراع ومينا
تبقي روحنا ونور عينينا
تحيا أرض تزرع سنابل
تحيا فينا بدون مقابل
تحي حابل تمحي نابل
تحيا وتفكك قنابل
بتحارب في الحنين
تحيا أمن وناس وطين
تحيا درة في كل حين
تحيا مصر .. فينا تحيا
ورد الجناين من سنين
ساقية دواره عفيه
بتروي قلوع المراكب
قلبها دايما عليا
واللي ماشي واللي راكـب
قوة بتهد العناكب
بالوعود دايما وفيه
تحيا مصر .. فينا تحيا
بالعدالة تطيب جروحنا
تحيا جندي تحيا عامل
نلقي عيش حلمه كامل
تحيا بإحساس الأنامل
نهر نابع بالحنين
تحيا عزم لا يلين
تحيا فخر علي الجبين
تحيا مصر في كل عصر
تمسح في عنينا الأنين
------
تحيا مصر
الشاعر محمد ضباشه
مسجلة
ليست هناك تعليقات: