جميع لفراخ كبرو أطارو // بقلم الشاعر المصطفى جنيني

جميع لفراخ كبرو أطارو

ابقات قريتنا خاويا... 

فين امشات ليام الزينة... 

فين أمي امشابركوكش...

فين امشات فتلات الكسكس الزينة...

فين امشا بندق امكبيعة...

فين امشاو الحاذقات...

فين المنجج فين اسداه...

مبقاو امغازل مبقاو اقراشل...

مبقات صوفا مبقات طعمة....

فين اغنمنا فينا اروانا....

فين الجيران فين الكرم....

فين الجلسة والعفة والحشمة ...

امشاو ارجال امشاو لعيلات...

ابقاو غير ادراري والدريات 

واد ازور ما ابقى فيه ما...

لبيار وكحت أناس ما حشمت... 

فين لميما لكبيدا... 

فين الحاذقة لحنينا....

فين النخلة اطويلة...

فين مولات الشربيل ادفاين الزينة...

فين ريحة لقرنفل والحنا...

فين امشات العفة والحشمة ...

فين امشات الهمة والكلمة...

فين امشات لماسم ألحباب... 

فين امي امشاو الصربات ...

فين أمي أمشاو العلفات...

احكي لي على جدي العلام...

عودو الكومري ماهو حران...

كيجري مزيان...

كان امحكم في الجام ...

صوت عالي امسموع...

صربت امقادة...

طلقت البارود امحدا... 

زغرتات الزغراتة...

أغناوا اعليه الغنيات...

بوك ازهرا ...

كلمت مسموعة...

إلحضر ادنا...

إلغاب إتسنا ...

فينكم أهليات...

واش كاين شي شددات

واش كاين شي دردكات...

الواه ...الواه ...

الواه يا لواه

ادس...ادس

ادس ...ادس

هي هي

هي هي

قصر اديال الدموع

في عينيا...

اذكرت ليام ...

كان فيها كلشي مزيان...

السلامة من ها د الجيل...

جيل قيمشش...

ما يحشم ما إرمش...

تخراج العينين...

كلهم خاوين ..

إلزين ألمجي بكري...

الله يحفظ أودي...

فينكم اسلفنا...

فينكم احبابنا...

دموعي سقطت فوق خذي اسخونة...

اعل افراق أمي لحنينا...

كنت نتوسد الركبة...

وليت نتوسد العتبة...

ازيانت الفتلة ....

ما أبقى ادقيق...

ما ابقيت نعرف لا احبيب ولا اقريب....

كل اراسي...

امشات مرحبا...

امشات الضحكة...

جدي العلام اقريت على روحك الفاتحة...

هاك احروفي....

ااحروف أتليق بيك ابطلقتك لمحدة....

ابضحتك الزينة...

الحفظ الله أرو الخيل...

صربة العلام...

الهمة والشان...

القفطان اخضر...

الرزة مشرقية...

كوبو الشاي...

ليا الحاضرين...

مرحبا بكم كاملين...

عند احفيد العلام...

دار الكرم...

المصطفى جنيني