مراجيح العيد // بقلم الشاعر المهندس سعيد ضعين الزيدي

مراجيح العيد
***********
چم عيد ال مضه وخمسين إچانه
ضيّع سفن الفرح هيّه والسفّانه
وچم ورد الذبل يبچي عله النّده
ماتت بسمته و ضاعت الوانه
وچم حلم إنبنهَ فوگ الگمر
هدّه الوگت من ساسه إل بنيانه
رجعنه ليّام الصبهَ زخّة مطر
هزّنهَ الشوگ مرجوحه هناك ودّانه
نضحك من گلبنه نشابگ ورود
يحضنه ابونهَ وامنهَ الريحانه
لاتبخل علينه ارجوك ياعيد
عيّشنه بحلم تدري البعد أذّانه
ونباوع للوطن شنشوف ياعيد
مكسور الظهر واطفاله جوعانه

الشاعر المهندس سعيد ضعين الزيدي
العراق-بغداد-21-8-2018