يا وطن // بقلم الشاعر ابراهيم دعبس

يا وطن

يا وطن تاهت ملامحك
بين وشوش الكدابين
واللي سارق منا قمحك 
بيقولولنا عليه امين

يا وطن مخصوص لشلة
يا وطن متعان لناس
لية عايزنا نكون أذلة
و ليه جايبنا من الأساس

يا وطن طلعة كنوزك
للحرامي و للديوث
ع الفقير ليه لاوي بوزك
والشريف عليه تدوس

يا وطن ليه مش بتاعنا
و احنا منك و احنا ليك
يوم ضياعك يوم ضياعنا
ادي ايدينا فين ايديك

مين يحبك قد ابنك
مين معاك وقت الصعاب
خلي خيرك للي منك
ليه يفوزوا بيك كلاب ؟؟
#الشاعر_ابراهيم_دعبس

جنان شحروري