عهدناك للهم شايل
وكتفك سداد وهايل
رجوله وكلك جمايل
بتساعد من غيرحساب
وبتزيد كمان للاحباب
شهامه واحسان جواب
لسانك ما نطق العيب
ولا فى يوم ادعيت الغيب
ولا بتشكر فى نفسك برغم الشيب
رغم الاذى ليك من الغير
ما فكرت يوم تتخلى عن الخير
ولا ندمت ولا رجعت عن السير
فى طريق الحق ولا اتخدعت بالتبرير
ولا نطقت وقلت انا مالى بالعكس كنت طير
بتحلق فى السما تتفقد احوال الغير
بتساعد وتنصح من غير تصغير
عالى القدر ليك عند الناس مكانه
حتى طلتك عليهم ليها علامه
بشرة خير وتفاؤل وسلامه
يكفيك انك مثال للاستقامه
وشانك بيعلى يوم القيامه
والجار والغريب يشهدلك بالشهامه
بوركت ورزقت بالكرامه
ليست هناك تعليقات: