مصر الأمان
ـــــــــــــــــــــــــــــــــــــــــــــــــ
حضن الصليب الهلال
دق الجرس اترفع الأذان
ومصر هي الوطن
مصر حصن الأمان
في وجهة العدو
والخسيس والجبان
حضن الصليب الهلال
والصوت عالي قال
مصر حصن الأمان
اقتلوا دمروا فجروا
مش هتيغيروا من اللي كان
مش هتوقعوا شعب عارف
يعني ايه رحمه وسلام
شعب بيحترم كل الأديان
عايش في اتحاد والفة
غير قابل للانكسار
اعرفو ان الاسلام
رحمة وسلام لكل أنسان
بيحافظ علي الارض علي العرض
علي الزرع والحيوان
اي دين يبيح التفجير وقتل
اخوه الانسان يا أنسان
حضن الصليب الهلال
دق الجرس اترفع الأذان
ظلمت نفسك وغسلت عقلك
وبقيت مغيب وعايش سكران
مفكر ان الجنة بتندهلك
وانك كده من الشجعان
طيب هاتلي ما يثبت فعلك
من التوارة والأنجيل والقراءن
فين تحكيم قلبك فين عقلك
ولا انت بقيت خليل للشيطان
هتقول أيه لربك اصلهم
مش علي دين الاسلام
هو انت هتحاسبهم
وهتنصب لهم جنة ونار
عود لربك وافهم يعني ايه
اسلام وسلام ودين الرحمن
حضن الصليب الهلال
دق الجرس اترفع الأذان
ـــــــــــــــــــــــــــــــــــــــــــــــــــــــ
بقلم سامي احمد خليفه
ليست هناك تعليقات: