( زيارة الأولياء ))........د/عمرعبدالجواد

......(( زيارة الأولياء ))........د/عمرعبدالجواد
أنا لا بطاول ولا بتعدي ع الأوليا
دول دلوقتي........ فى ذمة ربنا
و طريقهم كان هداية ونور
لا نصب ومعصية ولا كان أبدا فجور
لا الجنة باديهم ولا البنات الحور
و نالوا الرضي بهدي المولى وطاعة نبينا

أنا لا بطاول ولا بتعدي ع الأوليا
دول دلوقتي ......في ذمة ربنا
نبينا قال أصحابي كالنجوم الظواهر
فصاروا بين الأحجار جواهر
بيهم نقتدي وبيهم نهتدي
أكتر من كده يبقي جهل وتجاوز مننا

أنا لا بطاول ولا بتعدي ع الأوليا
دول دلوقتي ........في ذمة ربنا
و ليهم علينا حق الزيارة
لينا فيها موعظة ولينا فيها عبارة
لا فيها معجزة و لا ناخدها أبدا تجارة
لا ليهم علينا الطاعة
ولا في محرابهم أبدا ضراعة
وحق الشفاعة ف الآخرة ....بإذن ربنا

أنا لا بطاول ولا بتعدي ع الأوليا
دول دلوقتي...... . . في ذمة ربنا
وصاحب المقام لو مرة قام
هيقول طاعتنا ما تكون
إلا لله و للرسول ولأولي الأمر مننا
و الصدقة والنذور والزيارة والحضور
ما تكون عليهم.. .. مأجور
إلا والنية صافيه لوجه ربنا

د/عمرعبدالجواد