(جلا جلا السيرك اتنصب)
بص شوف السيرك أااام
جلا جلا، ساحر تمام
مـ الجراب طلع حمام
كل ده، والناس نياااااام
شخط وقال ،كله قيااام
ثوانى تكون لاغنام تمام
واشوف كمان تعظيم سلام
وأشوف كمان ربط اللجام
وكل غنمه على الخيام
.............................
لاعب تانى ماسك سكينُه
بيتدرب ده ربى يعينُه
بس بيتدرب على مين
مسكين وأكله رز بطين
وإن غلط هيروح على فين
ده لو راح يغلط ، عارفينه
ولا عمره ذاق عيش الفينه
ومع أول غلطة، شانقينه
أو نقتله حتى، بـسكينه
..........................
وده كمان عامل بليتشوا
أرجاوز عشان ولادوا يتعشوا
الكل عليه يضحكوا يتفشوا
وهو الوحيد بقلبه حزين
وقلبه بيبكى بدمع العين
ماحد حاسس، بعذابه
والفقر الى داقق بابه
لو حضر الكل بيضحك
ولو غاب ما تحس غيابه
.............................
فى ناس كتير بترسم ضحك
وتشم بضحكه ريحة المسك
والقلب كل عذاب ومرار
وكل وش راكبله ستار
مهوكل قلب وله أسرار
............................
تحياتى ،بقلم عمر جميل
ليست هناك تعليقات: