حكاوي مصرية
ــــــــــــــــــــــــــــــــــــ
في عز احلامى نادى عليه قلمي...... وصحانى
قال لي قوم اكتب .... قصيده ولا حكاية من تانى
مسكت القلم والفكر شارد ...بين يأسى واحزانى
وقلت في نفسي ليه ياقلم ... عايزنى اكتب وتجبرنى
دا انت شغلتك سهله على الورق ..وانا الفكر يقهرنى
أنا مصري عربي أصيل .........عايش وسط اوطانى
فقير مظلوم مقهور في وطني من القاصى والداني
من سنين ظلمني في بلدي ........... كل حكامي
وحواليه قهرني كل الغرب ..... جيراني
ب ألجهل والأمراض ولقمة صغيرة .... شاغللنى
وحرمني من الحرية وحتى كلمة أه ... يانى
وأمن الدولة في بلادي وقفا لي
إن أتكلمت في حقي في السجن يلا ... رمياني
ده سياسي مشكوك فيه وده
مسيحي متشدد وده ارهابى ........اخوانى
وبعد الثورة اللي يشهد لها التاريخ
ركب فوقها كل مبتور .......وحرامي
ولعبوا في عقول الخلق وأحلامهم
وكل واحد فيهم يكره ...... التانى
هدفهم إن كل الشعب ينام
ينسى الحلم ينام ما يقوم تانى
اصبر عليه شويه ياقلمى .... وسيبنى أعيش في احلامى
اطلع لقمة جبل الشوق ...... ببلادي تكبر قدامى
أعيش وارفع رأسي لفوق.... بمصر العزيزة واوطانى
ليه ياقلم تصحينى
تقومني من احلامى اكتب قصيده ولا حكاية
الثورة لسه في أولها وحكايتي ملهاش نهاية
والبقية تأتى :
عصام سعد زغلول
ليست هناك تعليقات: