ادخلوها بسلام آمنين
مصر بلد العارفين الطيبين
فاتحها دارها للي زارها
ولشبابها المخلصين
مصر أمي حامله همي
وهم كل المشتاقين
لزيارتها ف قلب بيتها
والصلاه ف قلب الحسين
افتحوا قلب المحبه
هتلاقوها
قربوا من مصر حبه
واعرفوها
وان لقيتوا مصر حبه
بالمحبه كحلوها
مصر شابه وللمحبه
فاتحها بابها من سنين
مصر دايما فاتحه دارها
للي ناوي واللي غاوي
يزور أثارها
واللي عاشق شمسها
ساعة نهارها
واللي نفسه يحتمي
بضلة جوارها
يا اللي حابب يسعدك
ف الليل قمرها
مصر فاتحه قلبها
للمشتاقين
ادخلوها بسلام آمنين
ليست هناك تعليقات: