راجعة ليه ؟
محمد ضباشه
راجعة ليه وترجعيني
لـ لما كنا صغيرين
بين رموشك تحضنينى
والقلب مليان حنين
كنت بخطو وأنا جنبك
زى فارس على الحصان
يرقص من فرط حبه
وقلبك أجمل مكان
كنت ضل في حر صيف
كنت شط للأمان
راجعة ليه وتفكرينى ؟
يا حبيبتي باللي كان
وبالعناد بتذكرينى
باللي عدى من زمان
لو قساوتك لسه باقية
طب قوليلى أيه يفيد ؟
ولو كاسات الحب فاضية
يبقى برضوا مفيش جديد
نلقى نفس السكة عتمة
نلقى ضوء مولود شريد
نلقى خطوة ماشية عاجزة
مهما تعمل أو تريد
النهاية هي هي
ومنين هكون سعيد ؟
ليست هناك تعليقات: